AXENDA | IV Xornadas de Música Tradicional Nova Era

Volven as Xornadas de Música Tradicional Nova Era cunha chea de actividades para toda a veciñanza. Será a cuarta edición e celebraranse ao longo de dous días, 1 e 2 de agosto, en Verín.

Como en cada edición, farán xogos para a cativada das ludotecas e actuarán para as persoas maiores do Centro de día Solleira e do Fogar de Santa María de Verín.

E, o venres, gran festa coas sesións de "Cantos de taberna" polos bares do casco vello de Verín e coa gran foliada nocturna, aberta á participación de toda persoa que quera unirse.