AXENDA | II Foliada Torgueira na Gudiña

 A Asociación Cultural Os Torgueiros organiza a II Foliada Torgueira na Gudiña. Unha segunda edición na que participará unha nutrida representación de agrupacións tradicionais da bisbarra e na que contarán co gaiteiro Faustino do Canizo.

 

A II Foliada Torgueira celebrarase o vindeiro venres, 23 de agosto, a partir das 20:00 horas na zona do Toural, ao carón das escolas vellas da Gudiña (ao lado do CPI Laureano Prieto).

 

Ademais das actuación, ao remate haberá unha foliada aberta e baile; polo que a organización convida á participación de quen quera e a que todas as persoas se animen a levar os seus instrumentos.