AXENDA | "Agárdame no ceo", de Namarella Teatro, na Reitoral da Chaira

Namarella Teatro leva a súa premiada comedia "Agárdame no ceo" ata a Reitoral da Chaira, en Riós, logo de ter que ser cancelada a representación prevista para o mes de xuño por mor da choiva.

 

 

Desta vez si, o grupo de teatro verinés poderá levar a escena a representación da obra. Será o vindeiro sábado, día 24, ás 20:30 horas, nun espazo que non podía ser máis fermoso.

 

 

"Agárdame no ceo" recibiu o Premio Tiruleque na XVI Mostra de Teatro Amador "Terras do Orcellón", o evento que converte ao Carballiño no epicentro do teatro afeccionado de Galicia. Na edición do 2023, Namarella Teatro recibía o recoñecemento dos organizadores da mostra por consider que foi "a mellor representación de entre todos os traballos presentados".