FOTOGALERÍA | O Ponte Farruca consolídase como o festival arcoíris do rural
18 de agosto de 2024 (17:51 h.)
O certame Ponte Farruca naceu para reivindicar, de xeito decidido, os dereitos da comunidade LGTBIQ+, pero tamén do rural, e das mulleres e homes que mantiveron a súa esencia.
Este sábado, a súa terceira edición confirmou, coa masiva asistencia de público -unhas 1.500 persoas- e un amplo programa de actividades, que xa é unha cita ineludible no calendario festivo comarcal e até provincial. E, tamén que aos tractores lles queda moi ben o colorido arcoíris.